الخل الوفى

فى هذا الموضوع تحديدا او امام تلك العلامة توقفت كثيرا
 لانى اريد طرحها باسلوب ميسر
 اقتنع اقتناعا غريبا بان الصداقة الحقيقية ليست مرتبطة بسن او جنس
 لانقتنع نحن اهل الشرق عامة بان هناك صداقة بين رجل وامراة
 انا اختلف
 الصداقة موجودة قد تكون غير معلنة او متسترة بعيدا عن الاراء العتيقة والتقاليد
 لى صديق اصغر منى ب 4 سنوات

 اخ وصديق وسند حتى عن اخوتى الاشقاء
 قد لا اراة فترات طويلة لكن عند الوقوع فى اى مازق الجا الية يشد ازرى يساندنى
 وانا كذلك لا اتردد فى الوقوف بجوارة فى ازماتة
 صديقى للاسف يمر بازمة ميلاد طفلة الثانى ولدية متلازمة داون
 عذرا صديقى هناك ازمات ليس لنا يد فيها ولا نملك غير الدعاء
 اللة معك يا صديقى الفاضل

عيد الاضحى

اليوم اول ايام عيد الاضحى

 عيد سعيد على جميع المسلمين
 عيد سعيد على اولادى
 اما انا
 فليس بعد فقدان الاب و الام اى احساس بالعيد
 ارجو ان اوفق فى منح اولادى كمية من الحنان تكفيهم من شر الاحساس بان الحياة بعد فقدان الاب والام خالية جرداء
 

الاصدقاء واغنياتهم والاستاذ عمار الشريعى
 علامة جوايا
 وجوا كل من فى سنى من استمع لاغانى الفرقة ومن احب شعر سيد حجاب

فترة الثمانينات
 فرقة الاصدقاء
 كونها غواص بحر النغم المبدع عمار الشريعى صاحب البصمة ف تاريخ الاغنية العربيو وصاحب صوت جميل لايتكرر
 خاصة غناة ف بعض المسلسلات واقربها ريا وسكينة
 الفرقة كانت من علاء عبد الخالق المختفى قد يكون احتجاجا على ما وصلت الية الاغنية العربية من خلاعة وتردى
 منى عبد الغنى الجميلة الرقيقة وصاحبة البرنامج الرائع حور الدنيا
 وحنان صاحبة اشقى الاغنيات الشمس الجريئة و ف الشارع دا مدرستى
 اجمل اغنيات الفرقة

 الحدود هنغنى ف نفس الثانية هيجوزونى مونى مونى والاغنية الرائعة مع الايام
 رجاء اعادة تكوين الفريق او اعادة تلك الاغنيات
 ياريت صوتى يوصل للاستاذ عمار
 وحشتنا يا علاء
 وحشتينا يا حنان
 وحشتينا يا منى
 وحشونا جدا جدا الاصدقاء

الوطن

واحنا فايتين ع الحدود
 مستمرين ف الصعود
 اختفى النيل الجميل من تحتنا والمدن والريح واول عمرنا
 وابتدا شىء ينجرح جوا الوجود وابتدينا اسئلة ملهاش حدود
 ملنا ع الشباك نخبى دمعة فرت مننا
 باصة م الشباك على البحر البعيد واحنا رايحين بالامل عالم جديد
 كنت فاكرة يا مصر انى تعبت منك واكتشفت ان محال استغنا عنك
 حتى دوشة صوت جيرانى والزحام وحشونى تانى
 بسمة حلوة لطفلة لسة صغيرة لما كنت الاقيها حتة سكرة
 قبل ما نسيبك وحشتينا يا مصر يا امنا
 كنت باتذكر وانا ف غاية الاسى لعبنا الكورة ف حوش المدرسة
 والشقاوة واحنا لسة صغيرين والبراءة والصحاب الطيبين
 لما سالتنى اللى جنبى انت مصرى دق قلبى
 اسمى زى السحر رفرف ع المكان
 ايوة مصريين لاخر عمرنا
 من وجوة من ثلج وعيون من ازاز
 شوقى زاد للعشرة والناس العزاز
 وابتديت اكتب وانا فوق السحاب
 ابتديت يا حبيبى انا ف اول جواب
 مصر انتى حتة منى
 مش مجرد اسم وطنى
 قالوا فاضل نص ساعة ع الوصول
 قلت اية معنى الساعات ولا الفصول
 الا ف الارض اللى فيها ذكرياتنا وحبنا
                                            مصر

بودعك

بودعك وبودع الدنيا معك
 جرحتنى قتلتنى وغفرت لك قسوتك
 بودعك من غير سلام ولا ملام ولا كلمة منى تجرحك
 انا اجرحك
 بسم الالام ارحل اوام حبى الكبير هيحرسك ف سكتك
 اللة معك
 بودعك وداع محب ودعك قبل الاوان بودعك
 بودعك بشوق للمسة من ايديك لمسة وداع ما ابخلك
 بكرهك لا لا بعشقك
 ياعمر راح ويا الرياح
 ياهمس دافى ف عشرتك انا رحلتك
 ولا الزمان اد الجراح
حبى الكبير هيحرسك ف سكتك اللة معك

 كتبتلك غنوة لك تفكرك بموعدى
 كتبتلك زى اليلادى ف يوم ميلادى غنوة لك تفكرك بموعدك
 واستنيناك انا و الليالى استنيناك
 بشوق ولهفة لصوت خطاك
 استنيناك بخوف يساوى فرحة لقاك
 وياريتك جيت
 ياريت غلطت ليلتها وجيت
 اتاريك نسيت
 الكل افتكر وانت نسيت
 كتبت لك زى اليلادى ف يوم ميلادى غنوة لك
 تفكرك بموعدك
 اسمع غنوتك
سنة حلوة ياسعيد بدموعى ف العيد
 انا عمرى مانسيتلك ف الغربة مواعيد
 عجبتك
            غنوتك
                        قسوتك
 بودعك بصمت مر
                            انا صيف ومر
 عطشان سقيتة محبتك
                               ما اكرمك
 بودعك انا اسمى صبر
                                     انا تحت امر
 انا حبى سهران يحرسك ف سكتك
                                                                اللة معك
 تصدق باللة قول لاالة الا اللة
 اليوم دا بكل اساة فية ناس ياما تتمناة
                                                       يرضيك كدا
                           منك للة
 تصدق باللة الجرح اللى انا عايشاة بعد فراقك صعب انساة
 والاصعب انى القا دواة
 عاجبك كدا
                                                        منك للة
 انا مسامحاك يااغلى ظالم انا مسامحاك واللة مسامحاك
 ومهما يجرى برضة مسامحاك
 انا كلى فدك
 ايوا مسامحاك انا  واللى باقى ف عمرى معاك
 بودعك يا جرح لم يترك الم
       لا شوق يا روحى لرؤيتك ولطلعتك
 بودعك و ف قلبلى حب لو اتقسم هيدفى ليلك ف رحلتك
 وف سكتك
                         اللة معك         
                                              اللة معك
                                                                     اللة معك

اهى يلا عيشة والسلام دا كتر الكلام وياة مابياثرش وبقول زى بعضة انا عارفة لية بصبر علية عشان فاكرة لية ايام وعشرة وحب وحاجات حلوة برضة

غريبة الناس
 دائما تجد الانسان يمجد ويعظم من مصيبتة ويقلل من محن غيرة
 عندما تحكى للاقربين عن معاناتك فى امر ما تجدة يلوم يوبخ يانب يتهم من الاخر يعمل فيها حكيم ومصلح ويدعى قدرات هائلة لدية انت
لاتعرف كيف تصل لجزء من تلك الامكانيات
 على راى جدتى يخلى فيلة نملة ونملتك فيل
 مثل غريب بس بيحصل
 وربنا يكفينا شر الناس وتقلبات النفوس
 

يلفت نظرى دوما اس العمل الادبى واتساءل كيف يخطر على بال الاديب تلك الاسماء
 هناك رواية لاديبة فرنسا الرائعة فرانسوا ساجان اسمها صباح الخير ايها الحزن
 ع اعتبار الحزن كائن
 الحزن كائن ينمو ويكبر بداخلنا وليس لة عمر محدد
 احزنت من
 واشعر باننى مدينة باعتذار
 زميل الجامعة س
 لم اراة ابدا ولااعرف انة زميل الا ف البكالوريوس
 كان معجبا بى
 وكنت اراة اجمل كائن حى عرفتة مخلوق بة كل الصفات الفاضلة
 عرض فجاة ان يحضر مع والدو لطلب يدى
 ابتعدت منعا لاحراجة
لم اكن على درجة من الحكمة بحكم السن ارد باسلوب مهذب
 فقط تلاشيتة
 بعد فترة طويلة لاحظت تغيرة كانة يمر بازمة عاصفة
 لااعلم لماذا لم افكر كيف اتفاهم معة لاقنعة بان الوقت امامنا
 انتهى العام
 تم تعيين صديقة معيدا بالجامعة
 اما هو فقد تسببت انا بقلة حيلتى بان اضيع منة فرصة التعيين بالجامعة وقد كان حلمة
 يوم ما رايت تهنئة لة باحدى الصحف على الحصول على الماجستير
 انا اعترف بذنبى
 واتمنى ان يسامحنى
 فقد كنت صغيرة قليلة الحيلة خجولة
 بعد اعوام علمت انة يستكمل دراستة ويمضى ف طريقة وملتحق باحدى الوزارات المميزة ووضعة متميز
 بارك اللة لك فيما وصلت الية
تستحق ذلك وافضل
 ومرة اخيرة مليار اعتذار

ف الهند ام العجايب السما والارض حبايب

ف الهند ام العجايب السما والارض حبايب والنار والنور والعتمة
يحطو عن زوجة وفية اسمها سوتى الهندية 
 حد فاكر الاغنية التحفة دى من مسلسل سعاد الوحيد والرائع هو و هى

سعا د حسنى مش فنانة عادية لاقبلها ولا بعدها
 حتى ان استاذنا نجيب محفوظ قالها ان سعاد هى الافضل
 مش اقلال  من قيمة فاتن ولا نادية لطفلى
 بس سعاد غير الكل
 شقاوة انوثة دلال رقص تلاقيها استعراضية ماحصلتش
 كوميدى افلام خفيفة زى افلامها مع حسن يوسف
 استعراض تراجيدى
 كلة برعت فية سعاد
 وصوت حساس

 اجمل الاعمال الزوجة التانية القاهرة30 زوزو

احلى من فترة الستينيات مفيش
 ازهى عصور مصر
عصر فية الخير
 حتى ازدهار الفن السينما والمسرح والاغانى
 فين حليم وبليغ والابنودى وكمال الطويل
 فين افلام السندريلا سعاد حسنى

مش كل حب بينتهى تبقا  انتهت بعدة الحياة ولا كل قلب بينظلم بيقضى عمرة ف نار و اة كل اللى عدا بيتنسى ويفوت قوام ويضيع صداة دا القلب فى جرحة دواة   ما بقيتش بغرق ف البكا على اى شىء سابنى و راح ما بقيتش اخاف لا من زمن ولا من طريق ولا من جراح كل الدموع كل الجراح مسيرها تاخد وقتها هابدا حياتى من جديد وكانى عمرى ما عشتها  مين دا اللى يرضا بغربتة لو قابلتة سكة رجوع مين دا اللى ينسا فرحتة دى الفرحة بتنسى الدموع دا الجرح لسة ف اولة والليل طويل والشوق هوان بس النهار لازم يبان بس النهار لازم يبان

بدات الضربات

اول العلامات
طبيب اسنان  بدات بيننا صداقة بحكم ترددى لعلاج اسنانى طبيب من اقاربى
 ولانى اؤمن جيدا بان خير علاقة هى الصداقة مهما اختلف الجنس والسن
 كنت اتكلم بوضوح
 ولفارق السن كان يبدو معجبا بارائى
 كنت اراة على فترات متقاربة
 وارى فى عينية نفس الاعجاب
 فجاة تقابلت مع فتاة تعمل لدية بالعيادة
 قالت الفتاة كان الطبيب فى عيادتة وزارة مجموعة من الاطباء اصدقائة
 كنت انا مجال الحديث
 كان يرشحنى لاصدقائة للزواج
 ياربى
 هل هذة هى الصداقة
 تقام ندوة انا مجالها
 فجاة
استيقظت وانا لاارى اى شىء
 فقدان نظر مؤقت بسبب ازمة نفسية
نعم انا حساسة لهذة الدرجة
 قطعت شوطا طويلا لدى الاطباء
والحمد للة
 وفقدت من وزنى الكثير
 وعندما عدت لحياتى
 ارسات لة خطاب
 كنت السبب فى ازمتى ولم تهتم لن اغفر ابدا
 هناك شخص سيظل يدعو عليك ولن يسامحك ابدا
 وبعدها هاجر امريكا

 

مرت السنوات بنت حلوة ليس من ضمن اهتماماتها الاعجاب بشاب
 حتى ان جميع صديقات فترة الثانوية والجامعة كن على يقين انى اخفى اسرارى عنهم
 لم تخلو فترة الجامعة من مراسلة بعض المجلات
 لكن لم اجد من يدلنى لطريق اسير فية لتحقيق الذات
 كيف ارتضيت بدخول اى كلية حسب التنسيق
 كيف لم اسعى وراء احلامى
 السنوات بدات تجرى والاحلام تتسرب واخذت انا اول درس من الحياة

علامة اخرى فى تلك الفترة يوم وفاة الزعيم
 فهمت واستوعبت وللان
 معنى ان يحبب اللة فيك خلقة
 تلك الدعوة الجميلة التى تطلقها الامهات عند خروج الابناء من المنزل
 استوعبت ومازلت
 انك قد لا تكون الاذكى ولا الانجح ولا الاكتر استحقاقا للنجاح لكنها هبة من اللة

 ان تمتلك تلك الكاريزما 
ان يحبك الناس هكذا على ما انت بكل ما انت علية
 حب الناس هبة من اللة
 او استجابة لدعوة امك
 الام اة من قسوة الحياة بدون امك

 الام اهل وصحبة وبيت وسند
 انت فى وجود امك مدلل مهما كبرت
 مهما مرت ازمات بحياتك السند موجود
 وحشتينى يا امى

اية هى العلامات
 المكان بلد صغير جميل وناس اجمل فقد سكنت منزل العائلة مدة 13عام
 كان لنا جيران او اخوة ومازالو اعتبرهم اهلى واخوتى وسند لى
 ناس من مدينة بعيدة عنا ابعدتهم الحرب عن بلدهم
 البساطة والطيبة والعشرة هم اول علامة من تلك العائلة البسيطة
 كان والدى رجلا شديدا
 فى احدى ايام سن العاشرة تقريبا
 كان اليوم اول ايام عيدج الاضحى حدثت مشادة بين ابى الشديد المتعنت وامى الشديدة الطيبة
 جريت بدون ارادة على شقة الجيران
 اللة عليهم
 لمة اول ايام العيد على الطبلية والاكل والفرحة وبركة العيد
 اول علامة
 معنى ان يكون لك عائلة ومعنى فرحة العيد

وانا واحدة من البشر اعج بمدونتك وقد انشئت مدونتى علامة فى حياتى

الطفولة التى مررت بها كانت عادية منزل ريفى حياة بسيطة لااحد يدلك كيف تستثمر طاقاتك لااحد يهتم بصناعة ذات لطفلة

اعتقد ان الامومة والابوة نتناسى منهم جزء كيف تصنع من احلام وطموح وافكار طفل متجة نحو النجاح
 ليس عيبا
 لكن خطا غير مقصود
 نحن لانهتم غير بالطفل ماذا اكل اين ذهب
 حتى المدرسة نفس الشىء
 قد يكون الوضع اختلف الان بتغير الزمن و التكنولوجيا

انا

انا سيدة ف الاربعين من العمر ويزيد سبع
 ابنة لاسرة بسيطة متوسطة الحال لكن متعلة مثقفة اقصد الاسرة لدينا جميعا حب للمعرفة
 يقال دائما اننى جميلة وحظى اقل من غيرى
 اتذكر مثل شعبى يقول قيراط من حظ ولا فدان شطارة
 يقال لدى وعى وذكاء ملموس
 كنت حتى سن الثلاثيبن امراة خجول جدا لكن بعد نزول العمل تغيرت واصبحت اجتماعية
 بدات تظهر الاشياء التى كنت لا اعرفها عن نفسى
 اعترف باننى لو كنت قابلت من يدلنى على طريق لتحقيق ذاتى لتغيرت حياتى تماما
 كان لدى عدة احلام
ان اكون مذيعة ان اكتب باحدى الصحف ان اعد برامج اذاعية وقد سبق ان ارسلت لرئيس اذاعة الشرق الاوسط بعض افكار برامج واتذكر احد الافكار عن اصل الاشياء 
 ان ادرس فن التصوير السينمائى والاخراج
 

انا امراة عاشقة جدا للكتابة
 الفضفضة لصديق عادة ضارة فقد ينقلب عليك الصديق وانت لاتامن عواقب تقلبة 
 افضل الفضفضة على الورق ثم بعد فترة اعيد القراءة
 لاجد ان ما كان يثير عاصفة من الضيق والتذمر والغضب اجدة بعد فترة وعند اعادة قراءتة كان شىء تافة لايستدعى كل تلك الضجة
 كنت وما زلت اعشق الكتابة
 لااعلم عدد الاشياء التى كنت احبها واستطيع ان ادعى براعتى فى تلك الاشياء التى للاسف لم اجد من يرشدنى لكى اتجة خطوة نحو تلك الاشياء
 باختصار جرت السنوات لاكتشف اننى ام اكن ما كنت اريد
 مرت السنوات وتركت علامات العلامات هى الاشخاص والاحداث والصعاب والمرض والتقلبات والمفاجئات

قد يتساءل البعض عن سبب انشائى مدونة
 ترددت كثيرا فى ذلك
فنحن نساء العرب نخشى الاقدام على اى تجربة جديدة لمجرد الخوف والتمسك بالتقاليد

 من انا
 انا سيدة عربية عمرى 47 عام او لنقل الاف فالعمر ليس سنوات وايام انما العمر احداث وعلامات

لهذا ترددت فى اختيار اسم مدزنتى التى اعتبرها جزء منى او بالعامية التى افضلها اعتبر مدونتى حتة منى
 ترددت ما بين اسماء علامة فى حياتى او ذات او قلب على الارجوحة او او عيون المها
 

علامة فى حياتى

بسم اللة الرحمن الرحيم اللهم سمى وصلى على اشرف من خلق اللة نبينا وهادينا سيدنا محمد

صور حزينة وجميلة